ТУРГУНБАЕВ АРТУРБЕК

Тургунбаев Артурбек Атакулович

Эмгек таржымалы

Тургунбаев Артурбек Атакулович 1988-жылдын 3-февралында
Ош облусунун Өзгөн районунун Кутурган айылында төрөлгөн. 2006-жылы
1-Май орто мектебин (азыркы Б.Келдибаев атындагы орто мектебин) аяктаган жана ушул эле жылы Ош мамлекеттик университетине тапшырып, 2011-жылы география мугалими, 2015-жылы экономист адистиктерине ээ болгон. Эмгек жолун 2011-жылы ОшМУнун Жаштар комитетинин төрагасы болуп иштөөдөн баштаган.

А.Тургунбаевдин 11 жылдык эмгек тажрыйбасы бар, анын ичинде 5 жыл мамлекеттик кызматтарда ийгиликтүү эмгектенген.

2011-2015-ж.ж. Ош мамлекеттик университетинин ректорунун жардамчысы болуп иштеген.

2013-2015-ж.ж. Ош мамлекеттик университетинин “Билим” лицейинде география мугалими болуп кошумча эмгектенген.

2015-2018-ж.ж. Кыргыз Республикасынын Жогорку Кеңешинин депутатынын консультанты кызматында иштеген.

2019-2020-ж.ж. Кыргыз Республикасынын Билим берүү жана илим министринин жардамчысы болуп эмгектенген.

2020-2021-ж.ж. Кыргыз Республикасынын Билим берүү жана илим министрлигинин Мамлекеттик сатып алуулар жана инфраструктура бөлүмүнүн башкы адиси болуп иштеген.

2022-жылдын январь айынан баштап Кыргыз Республикасынын Жогорку Кеңешинин “Альянс” парламенттик фракциясынын секретариатынын башчысы болуп иштеп жатат.

А.Тургунбаевдин “Мамлекеттик кызматтын 3-класстагы инспектору” класстык чени бар. Кыргыз Республикасынын Билим берүү министрлигинин Ардак Грамотасы менен сыйланган. Үй-бүлөлүү, үч баланы тарбиялайт.

Админ-панель

Образование за рубежом

+996552761301

Кутурган айылы